25-р суваг телевизийн "Танайд Хоноё" нэвтрүүлгийн нэгэн дугаарынх нь зочин болж байсан эдгэшгүй хүнд өвчинтэй, өрх толгойлсон энэ залуухан бүсгүй өчигдөр насан эцэслэжээ. Хөөрхий дөө. Залуухан, сайхан бүсгүй. Амьдралын үнэ цэнийг ухаарсан, маш ухаалаг бүсгүй. Бодхоор үнэхээрийн харамсалтай. Хэдий танилууд, хамаатан садан биш ч гэсэн үнэхээрийн харамсалтай. "Ямар ч ядуу хүнд савангийн өөдөс олддог" гээд гунигтайхан инээмсэглэж байсныг нь санаж байна. Түүний хувьд нэг өдөр, нэг цаг ч маш үнэтэй санагдаж байсан биз. Үлдэж байгаа хүмүүс ч яахав, хэсэгтээ санаад, уйлж дуулаад л мартах жамтай. Хоёр хүүхэд нь яаах бол? Хамгийн том асуудал бол энэ л байна. Хөөрхий чааваас, Монголын ард түмний сайхан сэтгэлийн тусыг бага ч болов хуртсэн ч гэсэн өвчин нь хүнийг яллаа. Ингээд бодхоор үхэл юуг ч дийлнээ. Дийлэх дийлэхдээ маш хяслантайгаар, хүний хамгийн нандин гэснийг авч одно. Хүн бүхний амь үнэтэй. Гэхдээ энэ гудамжинд унаж тусан архидаж яваа архичид, хамгийн л адгийн бүхнийг идэж чадахтай үгүйтэй байгаа гуйлгачид ер нь яагаад бараг таргалаад байна? Амьдралыг, амьд явах хэрэгтэйг маш гүн гүнзгий ухаарсан Тунгалаг бүсгүй нас барж байхаар, Монголын нийгэмд гай тарьж буй хэн нэгэн Тунгалагийн өмнөөс насан эцэслэсэн бол би хувьдаа баярлах л байсан. Ингээд бодход хэнд ч, хэзээ ч, ямар ч гай зовлон ирж болно. Магадгүй би өнөөдөр ингээд сууж байгаа, ч маргааш яахыг хэн ч таахгүй. Нэг бодлын хүн үхэх өдрөө, үхэх цагаа мэдэх аваас уйтгартай, утгагүй болох биз. Эсвэл маш их хөдөлмөрлөх эрч хүч түүнд хайрлах биз. Ай хөөрхий Тунгалаг бүсгүй. Түүний 2 хөөрхөн хүүхэд. Бодхоос ч сэтгэл санаа үймрэх шиг. 2 хүүхдийнх нь эцэг гэсэн нэрийг зүүсэн тэр нөхөр нь хүүхдүүдээ өөр дээрээ л аваасай даа. Ингэж л бодох юм. Тунгалаг бүсгүйн сайн сайхан бүхэн хоёр хүүхдийнх нь амьдралд гэрэл гэгээ болон тусаасай, бусдын адил л өсөж торниосой гэж маш ихээр хүсэж байна. Хөөрхий Тунгалаг бүсгүйг бурхан ивээг.